Оқиға 1 маусым Қарағанды-Ақадыр учаскесінде болған.

Қарағанды облысында пойыз екі жасар баланы басып кетті. Бала аман қалды, қазір жансақтау бөлімінде жатыр, деп хабарлайды ҚТЖ баспасөз қызметі.

ҚТЖ мәліметінше, жүк пойызының машинисі баланы рельс үстінде көргеннен кейін шұғыл тежеуді басқан.

Денсаулық сақтау басқармасының мәліметінше, бала ауыр халде облыстық балалар ауруханасына жеткізілген. Полицейлер жол қозғалысы немесе теміржол көлігін пайдалану қауіпсіздігі ережелерін бұзғаны үшін қылмыстық іс қозғады.

Оқи отырыңыз: Жамбыл облысында жүк пойызы рельстен шығып кетті

"Аталған іс бойынша қажет тергеу әрекеттері жүргізіліп жатыр. Қылмыстық-процестік кодекстің 201-бабына сәйкес өзге де мәліметтер жария етілмейді", – делінген хабарламада.