Актриса Әлия Әнуарбектің екінші рет тұрмыс құрып, келін атанғаны туралы ақпарат тарады.

Бұл туралы Caravan.kz медиа порталы хабарлайды.

Қуанышты хабармен Тұрсынбек Қабатовтың жары Мөлдір Мұқанова Tik Tok желісіндегі парақшасында бөлісті. Видеодан оның Әлия Әнуарбекке сырға салып жатқанын байқауға болады.

«Сүйінші, ағайын! Әлия Әнуарбек Торғай елінің келіні атанбақ», — деп жазды ол.

Желі қолданушылары актрисаның бірінші күйеуін ойлап көңілі құлазып тұрғанын жазуда.

«Дұрыс, күйеуінің қайтыс болғанына біраз болды. Әр адам бақытты болуға лайықты»,»Кино сияқты, бұл қыз әлі бірінші күйеуін ұмытпаған», «Бағы жансын, бірақ неге көңілсіз», «Жаным, жабырқап тұр ғой», «Марқұм күйеуін ойлап тұр», — деп жазды олар.

Актрисаның өзі бұл жаңалыққа қатысты ешқандай мәлімдеме жасамады. Оның әлеуметтік желідегі парақшасынан «Бақыт құшағында» атты фильмге түсіп жатқанын байқауға болады. Сондықтан желіде тарап жатқан видео кино сахналарының бірі болуы да мүмкін.

Еске сала кетейік, Әлия Әнуарбектің күйеуі 2020 жылы қайтыс болған еді. Олардың ортақ екі қызы бар.