Техникалық регламент өндірістің өзіндік құнына әсер етеді.

Өнеркәсіп және құрылыс вице-министрі Олжас Сапарбеков әр елдің көлікке қоятын техникалық регламенті өзгешеленетінін айтты, деп хабарлайды inbusiness.kz сайты.

Журналистер "Қазақстанда құрастырылған қытайлық көліктер баға және сапа тұрғысынан Қытайдан әкелінетін көліктермен бәсекеге түсе ала ма?" деп сұрады.

"Әр елдің техникалық регламентке қатысты өз талаптары бар. Оның ішінде көлікті эксплуатациялау, өндіріске қойылатын талаптар. Ел халқы белгілі бір кезеңде осы шарттарға сәйкес келмейтін көліктерді әкелді. Егер Қытай мен Қазақстанның техникалық регламенттерін алатын болсақ, арасында айырмашылық бар екенін көреміз. Бізде болатқа, металға, қозғалтқышқа, қауіпсіздікпен байланысты дүниелерге қойылатын талап басқа. Оларда бәрі басқаша. Өз кезегінде бұл өндірістің өзіндік құнына да әсер етеді", – деді вице-министр.