0:00:00

Жаңалықтарды Telegram арнамыздан оқыңыз!

Ақмола облысында су тасқынының алдын алуға бағытталған «Көктем-2025» республикалық командалық-штабтық оқу-жаттығуы басталды.

Бибінұр Әмірханқызы, тілші:

Биыл жауапты органдардың төтенше жағдайға дайындығын тексеру жұмыстары су басу қаупі жоғары Атбасар қаласында өтті. Оқу-жаттығуға 56 арнайы техника мен 150 адамнан тұратын 4 жасақ жұмылдырылды. Құтқарушылар орындаған түрлі тапсырмалардың қатарында суға батып бара жатқан көліктен адамды құтқару операциясы жүзеге асырылды. Оқу-жаттығу жұмыстары барысында қапшықтар инертті материалмен толтырылып, бекіністер жасауға дайындалды және өзенде мұз жару жұмысы жүргізілді. Жалпы Атбасар қаласында су тасқынының алдын алу шаралары мықтап қолға алынған. Шаһардан 125 мың текше метр қар шығарылды, арықтардың шамамен 6900 метрі қардан тазартылды. Одан қалды ақпанның 13-інен бастап Жабай өзенінің арнасын кеңейту және тереңдету жұмыстары жүргізілуде. Аудандағы үш су өткізу қондырғысы мен 70 шақты су өткізу жүйелері қар мен қоқыстан тазартылды.