Алматы прокуратурасы аса ірі көлемдегі есірткі контрабандасы туралы істі тергеуде. 43 келіден астам тәркіленген марихуана ондаған пошта сәлемдемелері арқылы әкелінген, деп хабарлайды El.kz интернет порталы.

Қалалық прокуратура мәліметінше, сәлемдемелер еліміздің бірқатар ірі қалаларының тұрғындарына арналған, онда тінту жүргізіліп, 10 адам ұсталды.

Олардың айғақтары бойынша есірткі контрабандасының схемасын реттеп отырған, ұйымдасқан кибер топ әрекет ететіні белгілі болды. Ол «кураторлардан», «буып-түюшілерден» және «дропперлерден» тұрған.

Оларды үйлестіру «Феликс Гальярдо» және «Джордан Белфорт» деген атаумен жалған аккаунттар арқылы телеграммда жүзеге асырылған, — делінген мәліметте.

Прокуратура дерегінше, Павлодар облысының мекемесінде жазасын өтеп жатқан адам аккаунттың иесі және есірткі дүкенінің ұйымдастырушысы болып шықты. Ол кінәсін мойындап, есірткі әкелу схемасын және криптовалютамен төлем жасау механизмін әшкереледі.

Тергеу барысында АҚШ-тан есірткі құралдарын сатып алуды қаржыландырған тұлғалар анықталды. Олар мекемеде жазасын өтеп жүрген қылмыстық беделге ие болып шықты. Ал тапқан табыстары туыстарына мүлік сатып алып, соларға тіркеу жолымен жария етілген, — деп қосты прокуратура.

Сот 5 пәтер мен 3 ғимаратқа, 10 учаске мен 44 автокөлікке тыйым салды. Олардың құны 1 млрд теңгеден астам.

Бүгінгі күні қылмыстық қудалау ортасында 20 азамат, оның ішінде қылмыстық топқа қамқорлық көрсеткен лауазымды тұлғалар бар.