50 жастағы ойыншының есімі Карл III королінің туған күніне орай берілетін мемлекеттік марапаттар тізімінде тұр.

The Sun басылымы Англия құрамасының экс-капитанына "рыцарь" атағы берілетінін растады, деп хабарлайды inbusiness.kz сайты.

Ол мұндай марапаттан соң "сэр" деген құрметті атақты қоса алады. Бұл арқылы оның жұбайы, "Spice Girls" тобының бұрынғы мүшесі Виктория Бекхэмге де жаңаша атақ ұсынылады. Яғни, ол "леди" мәртебесін иеленеді.

Дэвид Бекхэм – өз кезеңінің, дәуірінің ең танымал футболшысы. Ол кәсіби мансабында "Манчестер Юнайтед", "Реал Мадрид", "Пари Сен-Жермен" және "Лос-Анджелес Гэлакси" секілді клубтарда ойнаған. 2013 жылы үлкен спортпен қош айтысты. Статистикасына сәйкес, Бекхэм 718 матч (127 гол, 214 нәтижелі пас) өткізген.

Аңыз ойыншы мансабын аяқтағаннан соң сән және парфюмерия индустриясына бет бұрды, онда жеке брендін қалыптастырды. 2018 жылы АҚШ-тың Жоғары лигасында (MLS) бақ сынауға талпынған "Интер Майами" футбол клубының президенті атанды. Команда 2020 жылғы маусымнан бастап ресми ойындарға қатысты.

Бұған дейін әлемге әйгілі футболщы Мессидің мансабын қайда аяқтайтыны белгілі болғанын жазсақ, тағы бір талатты ойыншы Роналдудың Сауд Арабиялық клубпен қош айтысатынын да хабарлап едік.