Нидерландта өтіп жатқан Eindhoven Boxcup халықаралық турнирінде қазақстандық боксшы Даниял Сәбит 50 келі салмақ дәрежесінде чемпион атанды, деп хабарлайды El.kz интернет порталы.

Финалда ол моңғолиялық Баттулга Алдархишигті айқын басымдықпен жеңіп, алтын медаль иеленді.

Жартылай финалда Даниял бельгиялық Асаихи Редуанды еш қиындықсыз жеңіп, сенімді түрде шешуші кезеңге өткен болатын.

Бүгін турнир финалында тағы бірнеше қазақстандық боксшы шаршы алаңға шығады. Олардың қатарында Ертуған Зейнуллинов (65 кг), Абылайхан Жүсіпов (70 келі), Сабыржан Аққалықов (75 келі), Ерасыл Жақпеков (80 келі), Дәулет Төлемісов (85 келі) бар.