8 наурыз – Халықаралық әйелдер күні қарсаңында Атырау қаласы бойынша 35 ана "Алтын алқа" және "Күміс алқа" мемлекеттік наградаларымен марапатталды, деп жазады inbusiness.kz сайты.

"Көп балалы аналар – мейірім мен берекенің символы. Аяулы аналарымыз ұрпақ тәрбиелеу арқылы ел болашағына өлшеусіз үлес қосып келеді. Бұл марапат – сіздердің еңбектеріңізге деген құрметтің белгісі", – деді қала әкімінің орынбасары Мейіржан Мұқасов.

Айта кетейік, биыл Қазақстанның бірнеше өңірінде 8 наурызда көп балалы аналарға 2 АЕК-тен 10 АЕК-ке дейінгі біржолғы сыйақы төленеді. Алайда Атырау облысы бұл тізімге енбеді.