Қазақ боксшысы Абылайхан Жүсіпов Нидерландтағы Eindhoven Boxcup халықаралық турнирінінің жеңімпазы атанды. Бұл туралы Қазақстан бокс федерациясына сілтеме жасаған KAZ.NUR.KZ хабарлайды.

70 келі салмақ дәрежесіндегі финалда Абылайхан Жүсіпов өзбекстандық боксшы, Париж Олимпиадасының чемпионы Асадхуджа Муйдинхуджаев кездесті.

1 раундтан кейін Абылайханның қабағының жарылуына байланысты жекпе-жек тоқтатылды. Алғашқы раундтың қорытындысы бойынша төрешілер қазақ боксшысын жеңімпаз деп танып, жеңісті Абылайхан Жүсіповке берді.

Осылайша, ол турнирдің чемпионы атанып, жеңіс тұғырына көтерілді.

Жалпы, бұл халықаралық турнирде Қазақстан құрамасы 5 алтын және 3 қола медальмен командалық есепте бірінші орын иеленді.