Еңбек тәуекелі картасы енгізілген сәттен бастап жоғары тәуекел аймағынан 3 мың кәсіпорын шығарылып , 90 мыңнан астам жұмысшы қамтылды. Бұл туралы Үкімет отырысында еңбек және халықты әлеуметтік қорғау министрі Светлана Жақыпова хабарлады, деп хабарлайды El.kz интернет порталы.

Жүйе 2024 жылы іске қосылды. Жүйе жарақаттану көрсеткіштері, әлеуметтік аударымдар қозғалысы, кадрлардың тұрақсыздығы, кәсіподақтардың болуы және басқа да параметрлерді қоса алғанда, 23 көрсеткішті қамтиды.

Нәтижесінде жоғары тәуекел деңгейі бар кәсіпорындар саны 2 589-дан 1 799-ға дейін азайды. Жүйе ықтимал бұзушылықтардың себептерін жоюда жұмыс берушілерге қолдау көрсетуге күш салу арқылы инциденттік оқиғаларға жедел әрекет етуден проактивті алдын алу шараларына көшуге мүмкіндік беріп, бағытталды.