Ол мәжбүрлі емдеуге жіберілді.

Ақтөбе облысының қылмыстық істер жөніндегі мамандандырылған ауданаралық соты екі баласын тұншықтырып өлтірген әйелге қатысты үкім шығарды, деп хабарлайды inbusiness.kz сайты.

Белгілі болғандай, Қылмыстық Кодекстің 99-бабының 3-бөлігімен көзделген тыйым салынған іс-әрекетті жасауда күдікті "Д" медициналық сипаттағы мәжбүрлеу шарасын қолдану туралы қаулы жарияланды.

Сотпен биылғы 23 наурыз күні Қандыағаш қаласы Самал шағын ауданындағы пәтерде әйелдің есі дұрыс емес күйде өзінің 2022 және 2024 жылғы балаларын жастықпен тұншықтырып өлтіргені анықталды.

Күдікті "Д" сотқа қатысқан жоқ. Сотта оның өкілі қарындасы соңғы кезде босанудан кейінгі күйзелісте болғанын, емделіп жүргенін айтты.

Психологиялық-психиатриялық сараптаманың қорытындысына сәйкес, әйел адамның ақыл-есі дұрыс емес деп танылды. Ол интенсивті үлгідегі психиатриялық стационарда мәжбүрлеп емдеуді қажет етеді.

Сот әйелді қылмыстық заңмен тыйым салынған қоғамдық қауіпті іс-әрекетті ақыл-есі дұрыс емес күйде жасады деп танып, оны ҚР Қылмыстық кодексінің 16-бабы негізінде қылмыстық жауаптылықтан босатты.

Оған қатысты интенсивті үлгідегі психиатриялық стационарда мәжбүрлі емдеу түріндегі медициналық сипаттағы мәжбүрлеу шараларын қолдану туралы қаулы шығарылды.

Сот қаулысы заңды күшіне енген жоқ.