Әзербайжанда Түркі мемлекеттері ұйымының Жастар және спорт министрлерінің VII отырысы өтті.

Аталған жиында "Ленкорань – Түркі әлемінің жастар астанасы" атты халықаралық бағдарламаның жабылу салтанаты өтті, деп жазады inbusiness.kz сайты.

Мәдениет және ақпарат министрлігінің хабарлауынша, іс-шараға ТМҰ-ға мүше елдердің жастар делегациялары қатысты.

Жиын аясында кәмелетке толмағандарға арналған волонтёрлерді оқыту бағдарламасы мен ТМҰ үлгісін құру жөніндегі конференция ұйымдастырылды.

Айта кетейік, бұған дейін Будапештте өткен ТМҰ-ның бейресми саммитінде Қазақстан Президенті Қасым-Жомарт Тоқаев 2025 жылы Алматы қаласы Түркі әлемінің жастар астанасы болатынын мәлімдеген еді.