Жедел-іздестіру шараларының нәтижесінде күдікті ұсталып, оның бұған дейін Алматы және Ақтау қалаларында да осыған ұқсас қылмыстар жасап, бірнеше рет сотталғаны белгілі болды.

Батыс Қазақстан облысында полицейлер Орал қаласында ірі көлемде ұрлық жасаған күдіктіні ұстады, деп хабарлайды Polisia.kz.

Қылмыс 11 мамыр мен 8 маусым аралығында көпқабатты үйлердің бірінде болған. Тергеу барысында анықталғандай, 18 жастағы Жамбыл облысының тумасы жәбірленушімен бірге пәтерде тұрып, оны жалға алған. Жәбірленушінің сеніміне кірген ол, ыңғайлы сәтті пайдаланып, 500 мың теңге көлеміндегі ақшаны, төрт алтын сақина мен сырғаны, күміс сақина мен қолдан жасалған алқаны жасырын түрде ұрлап кеткен.

Жалпы келтірілген материалдық шығын – 1,6 миллион теңге.

"Жедел-іздестіру шараларының нәтижесінде күдікті ұсталып, оның бұған дейін Алматы және Ақтау қалаларында да осыған ұқсас қылмыстар жасап, бірнеше рет сотталғаны белгілі болды. Ұрланған мүлік ішінара тәркіленіп, қазіргі уақытта аталған дерек бойынша қылмыстық іс қозғалды. Тергеу амалдары жалғасуда. Полиция пәтерді жалға берерде сақтық шараларын күшейтіп, жеке мүлікке мұқият болуға кеңес береді. Сенім – ең алдымен қауіпсіздік екенін ұмытпаған жөн", – делінген хабарламада.

Оқи отырыңыз: "Неге қазақтар Дженнифер Лопесті сонша жақсы көреді?". Әншінің менеджерлері Қазақстанда билеттердің жылдам сатылғанына таңғалған