Бүгін, 2025 жылы 14 маусымда Астанадағы салтанатты рәсім барысында ҚР Денсаулық сақтау министрлігінің 17 номинация бойынша "Мамандығының үздігі" республикалық байқауы жеңімпаздарының есімін жариялады, деп хабарлайды Zakon.kz.

ҚР Денсаулық сақтау министрлігі баспасөз қызметінің хабарлауынша, олардың қатарында әртүрлі бейіндегі дәрігерлер, акушер-гинекологтар, хирургтар, фармацевтер, оқытушылар, санитариялық дәрігерлер және еліміздің барлық өңірлерінен келген басқа да мамандар бар. Атап айтқанда:

• "Стационардың үздік дәрігері" — Смайылов Совет Сләммұратұлы (Павлодар облысы);
• "Үздік жедел жәрдем дәрігері" — Тәжібекова Салтанат Болатқызы (Шымкент қаласы);
• "Медициналық-санитариялық алғашқы көмектің үздік дәрігері" — Бақбергенова Айгүл Жұпарбайқызы (Қызылорда облысы);
• "Үздік ауылдық дәрігер" — Төлеуов Жақып Оразайұлы (Қызылорда облысы);
• "Денсаулық сақтаудағы үздік әлеуметтік қызметкер" — Сабиева Айгүл Болатқызы (Шымкент қаласы);
• "Үздік акушер" — Қаженова Маржан Тынышқалиқызы (БҚО);
• "Стационардың үздік мейіргері" — Тілеубаева Эльмира Жасұланқызы (Алматы облысы);
• "Медициналық-санитариялық алғашқы көмектің үздік мейіргері" — Әлжанова Әлия Наурызбайқызы (Ақмола облысы);
• "Үздік ауылдық мейіргері" — Жұманазарова Жұлдыз Құрбанқызы (Түркістан облысы);
• "Үздік фельдшер" — Маханбетова Гүлнар Аманкелдіқызы (Ақтөбе облысы);
• "Медициналық жоғары оқу орнының үздік оқытушысы" — Қожанова Қалданай Қаржауқызы (С. Ж. Асфендияров атындағы "ҚазҰМУ" КеАҚ);
• "Медицина колледжінің үздік оқытушысы" — Жұмадилова Мадина Сембайқызы (Жетісу облысы);
• "Денсаулық сақтаудағы үздік ғалым" — Жақыпбеков Қайрат Сапарханұлы (С. Ж. Асфендияров атындағы "ҚазҰМУ" КеАҚ.);
• "Денсаулық сақтаудың үздік менеджері" — Әмрин Сәкен Өмірсерікұлы (СҚО);
• "Санитариялық-эпидемиологиялық бейіндегі үздік дәрігер" — Пивоваров Евгений Иванович (ШҚО);
• "Санитариялық-эпидемиологиялық сараптаманың үздік маманы" — Рахымбаева Алмагүл Қалиқызы (Алматы қаласы);
• "Үздік провизор" — Әлжанова Хадиша Дербісқызы (Түркістан облысы).

Денсаулық сақтау министрі Ақмарал Әлназарова саланың үздік мамандарына дипломдар мен сертификаттар табыс етті.

Конкурс жеңімпаздары 500 АЕК мөлшерінде көтермелеу төлемдерін алады.

Айта кетсек, Мемлекет басшысы 2025 жылғы 13 маусымда медицина саласы қызметкерлерін марапаттау рәсімінде сөз сөйледі. Президент жиналған қауымды медицина қызметкері күнімен құттықтап, осы мерекеге орай дәрігерлермен Ақордада алғаш рет кездесіп отырғанын әрі бұл жиынның мән-мағынасы ерекше екенін атап өтті.