Сыртқы істер министрлігі Таяу Шығыстағы жағдайға байланысты қазақстандықтарға сақ болуға кеңес берді. Ресми мәліметке сәйкес, қазіргі таңда Иранда – 132, Израильде – 219 отандасымыз бар, деп хабарлайды Skifnews.kz ақпарат порталы.

Ведомство өкілдері қос елдегі азаматтарымызбен үнемі байланыста екенін мәлімдеді. Қауіпсіздік мақсатында СІМ шетелдегі қазақстандықтарға мүмкіндігінше үйден шықпауға кеңес береді.

Министрлік тұрғындарды ресми ақпарат көздерінен жаңалықтарды бақылап, жергілікті билік пен дипломатиялық өкілдіктердің нұсқауларын назарда ұстауға шақырады.

Сондай-ақ, СІМ барлық азаматтарға Қазақстанның елшіліктерімен және консулдықтарымен байланыста болуды ұмытпауды ескертті.