Дипломаттар біздің азаматтармен тұрақты байланыста.

Сыртқы істер министрлігінің ресми өкілі Айбек Смадияров Таяу Шығыстағы ахуалға қатысты пікір білдірді, деп хабарлайды inbusiness.kz сайты.

"Сыртқы істер министрлігі Иран мен Израильдің арасындағы қарым-қатынастың шиеленісуіне байланысты Таяу Шығыстағы жағдайды мұқият бақылап отыр. Аталмыш елдердегі Қазақстан елшіліктері күшейтілген режимде жұмыс істеп жатыр", – деді СІМ ресми өкілі.

Иранда Қазақстанның 132 азаматы болса, Израильдегі отандастарымыздың саны – 219. Олардың қатарында қаза тапқандар мен зардап шеккендер жоқ.

Айбек Смадияровтың сөзінше, дипломаттар біздің азаматтармен тұрақты байланыста.