Алғашқы атом электр станциясы 2035-2036 жылдары пайдалануға берілуі ықтимал.

Қазіргі уақытта жобаның нақты құны белгісіз болып отыр, деп хабарлайды inbusiness.kz сайты.

Осылайша, Атом энергиясы жөніндегі агенттік АЭС-ті жобалау мен пайдалануға беру үдерісі әлемдік тәжірибеге сай шамамен 10-12 жылға созылатынын мәлімдеген. Демек, құрылыс 2035-2036 жылдары аяқталуы керек.

Агенттік "жобаның нақты құны туралы сөз қозғауға әлі ерте" деп отыр. Өйткені, аталған соманы есептеу кезінде бірқатар фактор қатаң ескерілуі қажет.

Олар:

• Құрылыс алаңындағы метеорологиялық және сейсмологиялық жағдайлар;
• Жабдықтардың бір бөлігі халықаралық өндірушілерден алынуы мүмкін;
• Құрылысқа жергілікті өнімдер мен материалдарды пайдалану үлесі;
• Білікті мамандар мен құрылыс ұйымдарының қолжетімділігі;
• Логистика, қаржы және қосымша шығындар.

Бұған дейін Қазақстандағы ең алғашқы АЭС-ті кім салатыны белгілі болса, екінші АЭС-ті қытайлықтар тұрғызатыны нақтыланды.