Қазіргі мәліметтер бойынша, 39 адам құтқарылды.

Үндістанның Махараштра штатындағы Пуна қаласында көпірдің опырылуы салдарынан төрт турист қаза тапты. Бұл апат туралы штаттың бас министрі Девендра Фаднавис хабарлады. Оқиға болған жерде құтқару жұмыстары жүргізіліп жатыр.

Жексенбі күні муссон маусымында туристер көп жиналатын танымал Кундмал ауданында көпір құлады. Оқиға кезінде көпір үстінде ондаған адам болған, олардың кейбірі су ағысына түсіп кетті.

Қазіргі мәліметтер бойынша, 39 адам құтқарылды, алайда тағы бірнеше адамның суға батып кетуі мүмкін деген қауіп бар. Оқиғаға байланысты полиция мен апатқа қарсы әрекет ету ұлттық күштері (NDRF) жұмылдырылып, құтқару жұмыстары жүргізілуде.

Оқи отырыңыз: Үндістанда 250-ге жуық жолаушы отырған ұшақ құлады

Үкімет марқұмдардың отбасыларына өтемақы төлеуді және жараланғандардың емдеу шығындарын өз мойнына алатынын білдірді.