ТЖМ судағы қауіпсіздік ережелерін мүлтіксіз сақтауды сұрайды.

Абай облысы Мақаншы ауданында Алакөл көлінің жағажайында серфинг тақтасында сырғанап жүрген 20 және 19 жастағы екі қыз толқын салдарынан аударылған, деп жазады inbusiness.kz сайты.

Осыдан кейін олар өз бетінше жағаға шыға алмай қалған. Құтқарушы гидроциклмен жылдам жетіп, жасөспірімдерді судан шығарып, қауіпсіз жерге жеткізді. Медициналық көмек қажет болмады.