Иранның Израиль аумағын атқылау қарқыны бәсеңдей бастады, деп хабарлайды 24kz.

Тегеран қарымта шабуылға көшкен кезде еврей аумағына зымырандарды қарша жаудырды. Алғашқы күні 200 баллистикалық зымыран ұшырса, екінші күні бұл көрсеткіш екі есе азайды. Кейінгі үш күнде атылған ракеталарды қосқанда бірінші күнге де жетпейді. Иран Израиль аумағына соңғы рет 30 зымыран ұшырды. Сарапшылар мұны Иранда зымырандардың азаюымен байланыстырып отыр. «Таймс» басылымының дерегі бойынша Израилдің әскери операциясына дейін Ислам революциясының арсеналында 2 мыңдай зымыран болған.