Бұл дерек бойынша тергеу амалдары жүріп жатыр.

Ішкі істер министрі Ержан Сәденов марқұм Шерзат Полаттың үйінің өртенуіне қатысты іс бойынша сұрақтарға жауап берді, деп хабарлайды inbusiness.kz сайты.

"Бұл іс арнайы прокурордың өндірісінде тұр. Тергеу амалдары жүргізіліп жатыр. Оған қатысты пікір білдіре алмаймын. Бұл істі бақылауды ұстап отырмыз", – деді министр Мәжіліс кулуарында.

ІІМ басшысы Шерзаттың ағасы Нұрғанат Ғайыпбаевтың "өзін-өзі өлтіру дерегі" бойынша іс тергеліп жатқанын айтты.

Айта кету керек, бұған дейін Шерзат Полаттың өліміне кінәлілер сотталғанын жазған едік. Шерзат ісі бойынша сот үкімі шыққандарға рақымшылық жасала ма деген мәселені де көтерген болатынбыз.