Қазақстанда 1 шілдеде дабылды ескерту жарияланды .

“Қазгидромет” РМК синоптиктері елімізде 1 шілдеде ауа райы қандай болатынын жариялады.

Астанада күндіз найзағай ойнайды. Ақмола облысының батысында, солтүстігінде және шығысында кей жерлерде найзағай ойнап, бұршақ жауады. Түнде және таңертең тұман түседі. Көкшетауда найзағай ойнайды.

Солтүстік Қазақстан облысында түнде және таңертең тұман түседі. Түнде және күндіз кей жерлерде найзағай ойнайды, бұршақ жауады. 20 м/с жел соғады. Оңтүстікте жоғары өрт қаупі бар.

Петропавлда найзағай ойнап, тұман түседі.

Қостанай облысында күндіз батыста және солтүстікте найзағай ойнайды, түнде тұман түседі. Оңтүстік-батысында төтенше өрт қаупі бар. Қостанайда түнде тұман түседі.

Павлодар облысында күн күркірейді. Солтүстікте және батыста желдің екпіні 15-20 м/с. Павлодарда найзағай ойнайды.

Қарағанды облысында солтүстікте және шығыста найзағай ойнайды. Батыста, шығыста және оңтүстікте өте жоғары өрт қаупі сақталады. Қарағандыда найзағай ойнайды.

Ұлытау облысында күндіз оңтүстікте +35°С дейін ыстық болады.

Ақтөбе облысында батыста, солтүстікте және орталықта найзағай ойнайды.

Солтүстікте және шығыста күндіз желдің екпіні 15-18 м/с. Орталықта өте жоғары өрт қаупі бар. Ақтөбеде желдің екпіні 18 м/с дейін жетеді.

Атырау облысында түнде батыста, солтүстікте және оңтүстікте найзағай ойнайды. Күндіз батыста және солтүстікте желдің екпіні 15-20 м/с. Облыстың оңтүстігінде жоғары өрт қаупі сақталады.

Маңғыстау облысында түнде солтүстікте найзағай ойнайды. Батыста, оңтүстікте және орталықта жоғары өрт қаупі сақталады. Ақтауда өрт қаупі жоғары.

Батыс Қазақстан облысында найзағай ойнап, бұршақ жаууы мүмкін. Оңтүстік-батыстан, батыстан жел соғады, екпіні 15-20 м/с. Оралда найзағай ойнап, бұршақ жауады, желдің екпіні 18 м/с жетеді.

Шығыс Қазақстан облысында жаңбыр жауады, солтүстікте және шығыста бұршақ жауады. Жел 15-20 м/с, күндіз 23-28 м/с дейін жетеді. Оңтүстікте өрт қаупі жоғары. Өскеменде найзағай ойнап, бұршақ жауады, дауыл соғып, жел 23 м/с күшейеді.

Абай облысында батыста, солтүстікте және оңтүстікте күн күркіреп, бұршақ жауады, дауыл соғады. 28 м/с жылдамдықпен жел соғады. Шығыста, оңтүстікте өрт қаупі жоғары. Семейде — найзағай, бұршақ, дауыл, жел 23 м/с күшейеді.

Алматы облысында таулы аудандарда найзағай ойнап, желдің екпіні 15-20 м/с жетеді. Солтүстікте, батыста және облыс орталығында өрт қаупі өте жоғары, оңтүстік пен шығыста жоғары болады.

Оқи отырыңыз: Табиғи апаттармен күресудің тиімді құралы – Қазақстанда аумақтық қорғаныс туралы заңға қол қойылды

Жетісу облысында күндіз +35°С дейін ыстық болады. Шығыстан 20 м/с жел соғады. Батыста және оңтүстікте жоғары өрт қаупі бар, солтүстікте, шығыста және орталықта төтенше өрт қаупі сақталады.

Талдықорғанда төтенше өрт қаупі бар.

Түркістан облысында төтенше өрт қаупі бар. Шымкент пен Түркістанда ауа райы осындай.

Қызылорда облысы мен Қызылорда қаласында өте жоғары өрт қаупі сақталады.

Жамбыл облысының таулы аймақтарында жел 15-20 м/с күшейеді. Облыста төтенше өрт қаупі сақталады, шығыста жоғары өрт қаупі сақталады. Таразда төтенше өрт қаупі бар.