Орал тұрғындарына лицензиясыз микроқаржы қызметін көрсеткендерге қатысты тергеу жүргізіліп жатыр, — деп хабарлайды Massaget.kz тілшісі.

Бес жыл бойы күдіктілер "Жылдам ақша" деген атаумен кеңінен тараған филиалдар желісі арқылы азаматтармен жалпы сомасы 1,5 млрд теңгеден асатын микроқаржы келісімшарттарын жасаған.

"Несиенің пайыздары бөлек шарт арқылы "кеңес беру қызметі" ретінде көрсетілген. Бұл қызметтер күдіктінің туысына тіркелген, олармен байланысы бар ЖШС арқылы рәсімделіп отырған. Қарыз алушылар күн сайын 1,5% төлеуге мәжбүр болған, бұл заңмен белгіленген шекті мөлшерлемеден 0,3%-ға, яғни бес есеге артық", — деп жазылған хабарламада.

Заңсыз микроқаржы ұйымы арқылы 47 мыңнан аса қарыз жоғары пайызбен берілген. Алдын ала мәлімет бойынша заңсыз алынған табыс көлемі 917 млн теңгеге жеткен.

Сот санкциясымен күдіктілердің мүлкіне, яғни өндірістік коммерциялық нысан мен бір пәтерге тыйым салынды. Тергеу жалғасып жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!