Жапонияның оңтүстік-батысындағы Токара аралдарында жер сілкінісі болды .

Бұл туралы елдің ұлттық метеорологиялық басқармасы мәлімдеді, деп хабарлайды inbusiness.kz сайты ТАСС-қа сілтеме жасап.

Жер сілкінісінің магнитудасы 5,5-ке жеткен. Жерасты дүмпуінен кейін цунами қаупі жарияланды, бірақ бірнеше минуттан соң бұл ескерту алынып тасталды. Қаза тапқандар мен зардап шеккендер туралы мәлімет жоқ.

Токара аралдары аумағында соңғы 1,5 апта ішінде 900-ге жуық жерасты дүмпуі болды. Олардың ішінде магнитудасы 5 болатын жер сілкіністері де бар. Жергілікті сейсмологтар тиісті аймақ литосфералық тақталардың түйіскен жерінде орналасқан деп отыр. Олардың айтуынша, сол себепті мұнда сейсмикалық белсенділік жоғары. Токара аралдарында 650-ге жуық тұрғыны бар бірнеше шағын ауылдар бар.