Аз шығындалатын, бірақ әсерлі саяхатты қалайсыз ба? Ендеше бар болғаны 500 доллар кететін бірнеше бағыттарды ұсынамыз. Төменде аталған елдерге Қазақстан азаматтарына виза талап етілмейді, сондықтан құжаттарыңыз дайын болса, демалысыңызды еш кедергісіз жоспарлауға болады, деп хабарлайды El.kz интернет порталы.

Әуебилеттерді алдын ала сатып алу және қонақ үйді алдын ала брондау арқылы сапарыңызды одан да үнемді етуге болады.

Қытай

Қытай — әлемдегі мәдениеті бай, тарихы тереңде жатқан және табиғаты таңғажайып елдердің бірі. Аспан асты елі жазда саяхаттауға болатын арзан әрі танымал бағыттармен ерекшеленеді. Аумағы үлкен әрі көптеген өңірлерінде саяхаттау бағасы да қолжетімді. Егер дұрыс жоспарласаңыз, Қытай – сіздің бюджетіңізге сай, есте қалатын сапар ұсына алады.

Студенттер мен саяхатшылар үшін хостелдер мен арзан қонақүйлер көп, ал көше тағамдары – дәмді, әрі арзан.

Жазда оңтүстігі ыстық әрі ылғалды, ал солтүстік пен таулы аймақтарда салқындау. Бұл – жазғы демалысты қалаған климатқа қарай таңдауға мүмкіндік береді. Таулы және орманды аймақтарда ауа райы демалысқа өте қолайлы.

• Әуебилеттері барып-қайту – 50 мың теңге
• Транспорт – 6 күн 20 мың теңге
• Қонақ үй – 6 күн екі адамға 100 мың теңге
• Тамақтану – 6 күн 60 мың теңге
• Жалпы сома – 180-200 мың теңге

БАӘ

Жазда демалуға болатын қолжетімді елдердің бірі – Біріккен Араб Әмірліктері. Бұл мемлекетке саяхаттау құны бір адамға шамамен 150 мың теңгеден басталады. Аталған бағаға ұшақ билеттері мен қонақүйдегі тұру ақысы кіреді. Алайда, егер бесжұлдызды қонақүй, күніне үш мезгіл тамақтану және Абу-Даби мен Дубай сияқты танымал қалаларды таңдасаңыз, шығын мөлшері артуы мүмкін.

Жаз мезгілінде мұнда ауа температурасы +40°С-тан асып, теңіз суы +34°C-қа дейін жылынады. Осындай аптап ыстық пен жиі кездесетін құмды дауылдар салдарынан бұл уақытта демалу – тәуекелді қажет етеді. Мұндай климаттық жағдайларға тек ыстыққа бейімделген туристер ғана шыдай алады.

Дегенмен Әмірліктерге саяхаттаудың өзіндік артықшылықтары да бар. Заманауи сәулет өнерінің үлгілері, жоғары деңгейдегі инфрақұрылым, қолжетімді қоғамдық көлік және сауда орындарындағы жайлылық саяхатшылардың назарын аударады. Қазақстандықтар бұл елге жыл бойы, әсіресе қолайлы бағасы мен қолжетімді қызметтері үшін жиі барып тұрады.

• Әуебилеттері барып-қайту – 50 мың теңге
• Транспорт – 6 күн 20 мың теңге
• Қонақ үй – 6 күн екі адамға 100 мың теңге
• Тамақтану – 6 күн 60 мың теңге
• Жалпы сома – 180-200 мың теңге

Саяхттау арзан, бірақ күн өте ыстық.

Әзербайжан

Әзербайжан – жаз мезгілінде қолжетімді бағада саяхаттауға болатын елдердің бірі. Бұл мемлекетке саяхаттау құны бір адамға шамамен 100-120 мың теңгеден басталады. Аталған бағаға ұшақ билеттері мен қонақүйдегі тұру ақысы кіреді. Алайда, егер бесжұлдызды қонақүй, күніне үш мезгіл тамақтану және Баку сияқты танымал қалаларды таңдасаңыз, шығын мөлшері артуы мүмкін.

Жаз мезгілінде Әзербайжанда ауа температурасы +30°С-тан жоғары болады. Бұл уақытта теңіз суы +28°C-қа дейін жылынып, жағажайларда демалу үшін қолайлы жағдайлар жасалады. Әсіресе, Каспий теңізінің жағалауы мен Баку қаласының маңындағы жағажайлар туристер арасында танымал.

• Әуебилеттері барып-қайту – 120 мың теңге
• Транспорт – 6 күн 20 мың теңге
• Қонақ үй – 6 күн екі адамға 70 мың теңге
• Тамақтану – 6 күн 60 мың теңге
• Жалпы сома – 240-250 мың теңге

Әзербайжанның мәдениеті мен тарихы да ерекше назар аудартады. Баку қаласында орналасқан Ичери Шехер (Ескі қала) ЮНЕСКО-ның Әлемдік мұралар тізіміне енген. Бұл жерде тарихи ғимараттар, мұнаралар мен мешіттер орналасқан, олар туристерге қызықты саяхат ұсынады.

Әзербайжанға саяхаттау үшін Қазақстан азаматтарына виза талап етілмейді, бұл саяхатшыларға қосымша жеңілдік береді. Қоғамдық көлік жүйесі жақсы дамыған, әрі такси қызметтері де қолжетімді.

Қорытындылай келе, Әзербайжан жаз мезгілінде қолжетімді бағада саяхаттауға болатын, мәдениеті бай, табиғаты әсем елдердің бірі болып табылады. Туристерге жағажайларда демалу, тарихи орындарды аралау және жергілікті тағамдардан дәм тату сияқты түрлі мүмкіндіктер ұсынады.

Өзбекстан

Өзбекстан – Орталық Азиядағы ең бай тарихи мұраға ие елдердің бірі. Жазда саяхаттауға қолайлы әрі арзан бағыт іздеген жандар үшін Өзбекстан – ерекше әсер мен мәдениетке толы таңдау. Бұл елде ежелгі Жібек жолының ізімен саяхаттап, Самарқанд, Бұхара, Хиуа сияқты әлемдік деңгейдегі тарихи қалалармен танысуға болады.

Өзбекстан – бюджеттік саяхат үшін мінсіз ел. Қонақүйлер, жергілікті көлік, тамақ және экскурсиялар бағасы шетелдік турист үшін өте арзан.

• Әуебилеттері барып-қайту – 60 мың теңге
• Транспорт – 3 күн 20 мың теңге
• Қонақ үй – 3 күн екі адамға 40 мың теңге
• Тамақтану – 3 күн 20 мың теңге
• Жалпы сома – 120-130 мың теңге

Шымкент қаласынан 2-3 мың теңгемен таксимен жетуге болады. Өзбекстан ішінде пойыз немесе автобуспен саяхат жасау арзан әрі тиімді. Жаңа жүрдек пойыздар (мысалы, «Афросиаб») арқылы Самарқанд, Ташкент, Бұқара аралығында тез әрі жайлы жүре аласыз.

Грузия

Грузия — жазда саяхаттауға болатын ең көркем әрі арзан елдердің бірі. Кавказ тауларының етегінде орналасқан бұл ел — табиғат, тарих, мәдениет және асханасы жағынан нағыз қазына. Қол жетімді бағаларымен, жылы шырайлы халқымен және керемет пейзаждарымен Грузия соңғы жылдары туристер арасында танымал бағытқа айналды.

Шілде-тамыз — теңіз маусымының қызған шағы, сондықтан Батуми мен жағажай маңында адам көп болуы мүмкін.

Егер тыныштық пен табиғатты қаласаңыз – таулы аудандарға (Казбеги, Сванетия) барыңыз.

Маусым мен қыркүйек — ең ыңғайлы айлар: күн жылы, бірақ тым ыстық емес.

• Әуебилеттері барып-қайту – 110 мың теңге
• Транспорт – 6 күн 20 мың теңге
• Қонақ үй – 7 күн екі адамға 70 мың теңге
• Тамақтану – 7 күн 70 мың теңге
• Жалпы сома – 230-250 мың теңге

Грузия – жазғы демалысты аз шығынмен, үлкен әсермен өткізуге болатын ерекше ел. Мұнда әркім өзіне қажеттісін таба алады: теңіз, тау, тарих, мәдениет, дәмді ас немесе жай ғана тыныш табиғат аясындағы демалыс.