Қазақстандық гимнастшы Зейнолла Ыдырысов Бакуде (Әзербайжан) өтіп жатқан әлем кубогының қола жүлдегері атанды, деп хабарлайды Zakon.kz.

Ол финалда сәтті өнер көрсетті. Ыдырысовқа төрешілер 14.400 ұпай берді.

Америкалық Брэндон Дэнг (14.633) жеңіске жетті. Екінші орын Патрик Хупсқа (АҚШ) бұйырды – 14.533.

Айта кетейік, Қазақстан құрамасының қоржынында қазір үш медаль бар. Бір күн бұрын Милад Карими (еркін жаттығу) мен Дмитрий Патанин (қоссырықтағы жаттығу) екінші орын алды.