Бұл қадамға әзірше әлемнің бірде-бір елі барған жоқ.

Ресей Ауғанстандағы "Талибан" қозғалысының үкіметін ресми мойындаған алғашқы ел атанды. Бұл туралы елдің Сыртқы істер министрлігі хабарлады, деп хабарлайды inbusiness.kz сайты Deutsche Welle-ге сілтеме жасап.

Белгілі болғандай, Мәскеу Ауғанстанның жаңа елшісінен сенім грамотасын қабылдаған.

"Ауғанстан Ислам Эмираты үкіметін ресми түрде мойындау екі ел арасындағы түрлі салаларда тығыз екіжақты ынтымақтастықтың дамуына серпін береді деп санаймыз", – деп хабарлады Ресей СІМ.

ТАСС-тың жазуынша, кейін Ауғанстанның жаңа туы Мәскеудегі елшілік ғимаратына ілінді. Ресейдің Кабулдегі елшісіне сілтеме жасаған агенттік "Талибанды" мойындау туралы шешімді Ресей президенті Владимир Путин Сыртқы істер министрі Сергей Лавровтың ұсынысымен қабылдағанын жазды.

Сәуір айында Ресейдің Жоғарғы соты ел аумағында "Талибан" қозғалысына тыйым салу туралы бұрынғы шешімнің күшін жойды. Бұған дейін 2024 жылдың желтоқсанында Путин "Талибанды" экстремистік ұйымдар тізімінен алып тастауға мүмкіндік берген заңға қол қойды.

Негізінен "Талибан" 2003 жылы көрші елде террористік ұйым болып танылды. 2021 жылы бұл ұйым Ауғанстандағы билікті өз қолына алды.