ҚМА Шымкент қаласы бойынша департаменті Ansar Gold қаржы пирамидасының қызметін тоқтатты , — деп хабарлайды Massaget.kz тілшісі.

Өздерін зергерлік бұйымдар сатумен айналысатын компания ретінде таныстырған күдіктілер салымшыларға 5 ай ішінде салынған қаражаттың 40-60 пайызы көлемінде ай сайын табыс түсетінін және негізгі капитал сақталатынына кепілдік берілетінін айтқан.

Алайда іс жүзінде төлемдер тауар сатудан түскен табыстан емес, жаңа қатысушылардың салымдары есебінен берілген.

"Бұл қаржы пирамидасына 200-ден аса адам тартылып, 400 млн теңгеден аса қаражат салынған. Сонымен қатар, күдіктілер өздерінің туыстарын "дроп" ретінде тартып, басқа қатысушылардан түскен ақшаны қолма-қол шешу үшін олардың банк карталарын пайдаланған", — деп жазылған хабарламада.

Қаржы пирамидасын ұйымдастырушы қамауға алынды. Оған тиесілі көлік пен тұрғын үйге шектеу қойылды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!