Бірер сағаттан кейін Астанадағы Әлем кубогының кезекті жарыс күні басталады, деп хабарлайды 24kz.

Ерлер арасында ең тартысты жекпе-жек 90 келідегі Сағындық Тоғамбай мен түркиялық Емра Ясар арасында болмақ. Сағындық Азия ойындарының әрі Азия чемпионатының жүлдегері, ал Емра жастар арасындағы Еуропа чемпионы. Сәйкесінше, көпшілік қос мықтының жекпе-жегін тағатсыздана күтіп отыр. Бұған қоса, 65 келідегі Ертуған Зейнуллинов франциялық Хюго Граумен кездеседі. Әйелдер арасында Алуа Балқыбекова, Аида Әбікеева және Елдана Тәліповалар бүгін шаршы алаңға шығып, жартылай финал жолдамаларын сарапқа салады. Кездесулер Жақсылық Үшкемпіров атындағы жекпе-жек сарайында өтіп жатыр. Кіру тегін. Шаршы алаңдағы айқастар кешкі сессияда ұйымдастырылады. Яғни, 19:00-де басталады