Өнеркәсіп және құрылыс министрі 2025 жылғы 8 шілдедегі "Қазақстан Республикасының аумағына гипсокартон импортын реттеудің кейбір мәселелері туралы" бұйрыққа қол қойды

Бұл туралы Caravan.kz медиа порталы Zakon.kz-ке сілтеме жасап хабарлайды.

«Қазақстан Республикасының аумағына үшінші елдерден көліктің барлық түрлерімен үш ай мерзімге гипсокартондарды (гипс әшекейлері жоқ, тек қағаз немесе картонмен қапталған немесе нығайтылған плиталар, қаңылтырлар, панельдер, тақтайшалар және ұқсас бұйымдар) әкелуге тыйым салынсын», – делінген құжатта.

Бұйрық 2025 жылдың 22 шілдесінде күшіне енеді.

Қазақстан ағаштың жекелеген түрлерін экспорттауға шектеуді ұзартқанын хабарлаған едік.