Жағдайға қатысты әуежайдың баспасөз қызметі ресми түсініктеме берді.

Әлеуметтік желілерде Астана халықаралық әуежайын су басқан сәт түсірілген бейнежазба тарады, деп жазады inbusiness.kz сайты.

Мекеменің мәліметінше, сағат 19:33 шамасында халықаралық терминалдың бірінші қабатындағы (жалпы келу залы) нөсер суын бұру жүйесінде ақау туындаған. Нақтырақ айтқанда, су ағатын құбыр істен шыққан. Ақау 12 минут ішінде – 19:45-те жойылып, зал суынан тазартылған.

Қазіргі уақытта әуежай қалыпты режимде жұмыс істеп тұр. Рейстердің кешігуі немесе басқа да кедергілер тіркелген жоқ.