Қазақ тазысы Финляндияда өтетін халықаралық көрмеде бақ сынайды.

Елден іріктеліп алынған сегіз құмай тазы халқымыздың мәдени символы ретінде таныстырылады. Бұған дейін Астанада халықаралық комиссия 100 тазыны арнайы тексерістен өткізген. Байқауға Семейден келген Сұлтанның Сарықызы да қатысады.

Сұлтан Асылбекұлы, итбегі:

- Бұл енді бір емес, бірнеше мәрте күшік кезінен бастап жұлдыз деп айтуға болады. Мынау алдыңғы жылдары Астана қаласында болған әлемдік таныту кезінде сарапшылар басқа мемлекеттерден де келді. Сол кезде бұл өз-өзін көрсетті. Бұның әкесі де, шешесі де орын алып жүрген экстерьері стандартқа сай келетін тазылар. Шетелдік көрмеге бірінші рет шығуы. Ал Қазақстан бойынша Астана қаласына барды. Одан бөлек Қарағандыға да бардым. Қазақстан бойынша барып жатамыз.