Жетісуда заңсыз жұмыс істеген қоқыс полигоны жабылды, — деп хабарлайды Massaget .kz тілшісі Бас прокуратураға сілтеме жасап.

Жетісу облысының табиғат қорғау прокуратурасы қатты тұрмыстық қалдықтар полигонының заңсыз әрекетінің жолын кесті.

Мамандандырылған табиғат қорғау прокуратурасы Көксу ауданында орналасқан қатты тұрмыстық қалдықтар полигонының жұмысында өрескел бұзушылықтарды анықтады.

Полигон өз қызметін мемлекеттік экологиялық сараптаманың қорытындысынсыз және қоршаған ортаға ластағыш заттарды шығару рұқсатынсыз жүзеге асырған.

Полигонды жабуға, жерлерді рекультивациялауға, ластануға бақылау жүргізуге арналған тарату қоры құрылмаған, онсыз полигонды пайдалануға тыйым салынады.

Оның үстіне полигонда қоқыс жинау шегінен екі есе асып кеткен.

Прокурорлық қадағалау актісі бойынша құқық бұзушы Әкімшілік құқықбұзушылық туралы кодексінің 328-бабы бойынша 340 млн теңгеден аса сомаға айыппұлмен жауапкершілікке тартылды.

Полигон сенімгерлік басқарудан алынып, мемлекетке қайтарылды.

Аптаның басты оқиғалары мен пайдалы видеоларды көру үшін YouTube арнамызға жазылыңыз