Бұл туралы Өзбекстанның мәдениет пен өнерді дамыту қоры мәлімдеді, деп хабарлайды inbusiness.kz сайты Kun.uz басылымына сілтеме жасап.

Жапонияның Осака, Кансаи қаласында өтетін EXPO-2025 дүниежүзілік көрмесінде ұсынылған Өзбекстан павильоны Red Dot Award: Brands & Communication Design премиясының "Көрме стендтері" номинациясы бойынша ең беделді марапат – Red Dot: Best of the Best жүлдесінің иегері атанды.

Red Dot Award – дизайн мен коммуникация саласындағы әлемдегі жетекші марапаттардың бірі саналады. Бұл жүлдені бұған дейін Apple, Ferrari, Philips, LG сынды әлемдік дизайн мен брендтік стандарттарды айқындайтын алпауыт компаниялар иеленген.