Бұл үшін пәтер иесіне 20 мың теңге айыппұл салынады.

Енді елімізде түн ортасында үй жинаймын деп шаңсорғышты қосып, көршілердің мазасын алсаңыз әкімшілік жауапкершілікке тартыласыз. Яғни арыз түссе айыппұл төлейсіз, деп хабарлады 31 арнаның Информбюро ақпараттық бағдарламасы.

Заңнамаға сәйкес жұмыс күндері кешкі оннан бастап таңғы 9-ға дейін тұрғындар тыныштықты сақтау керек. Ал демалыс күндері он бірден таңғы онға дейін шу көтеруге болмайды. Тіпті шаңсорғыш пен кір жуғыш машина қосып, шаш кептіргіш құрал қолдансаңыз да айыпты боласыз.

Бұл үшін пәтер иесіне 20 мың теңге айыппұл салынады. Жағдай қайталанса сома 39 мың теңгеге өседі. Ал заңды тұлғалар бірінші рет 118 мың теңге төлесе, екінші рет 785 мың теңгесін санап береді.