Bonn Open — Германиядағы челленджер жарыстарының 10 ең ауқымды турнирінің бірі болып саналады.

Қазақстандық теннисші Тимофей Скатов Германияның Бонн қаласында өткен ATP Challenger 75 санатындағы Bonn Open 2025 турнирінің финалында өнер көрсетті. Жарыс 4–10 тамыз аралығында топырақ төсенішті кортта өтіп, жалпы жүлде қоры 91 250 еуроны құрады.

Әлемнің 308-ракеткасы саналатын Скатов шешуші бәсекеде әлемнің 185-ракеткасы, аустриялық Юрий Родионовпен чемпиондық атаққа таласты. Қазақстандық спортшы кездесуді сәтті бастап, бірінші сетте 6:3 есебімен жеңіске жетті. Алайда келесі сеттерде қарсыласы басым түсіп, матч 3:6, 6:2, 6:4 есебімен Родионовтың пайдасына аяқталды. Ойын екі сағат 15 минутқа созылып, Скатов 11 брейк-пойнттың бесеуін пайдаланды.

Бұл нәтиже Тимофей Скатовқа ATP Live рейтингінде 259-орынға көтерілуге мүмкіндік берді.

Ал жұптық жарыста Нил Оберлейтнер пен Мик Вельдхеер жеңіс тойын тойлады.