Алматы облысының прокуратурасы "Шерзат Болаттың өліміне қатысты іс бойынша куәгер болған әйелдердің қайта тергелуі бойынша сұраққа жауап берді, деп хабарлайды Kazinform.

Айта кетейік, Шерзат Болаттың өліміне қатысты істі қараған судья Ержан Жанұзақов оқиға орнында болған Эльмира Нұрбекова, Дана Жақсыгелдіге және куә ретінде сотта жауап алынған Юлдаш Рузбакиев, Арлан Қазекеновке қатысты жеке қаулы шығарған еді.

Осыған байланысты ақпарат агенттігінің тілшілері Алматы облысының прокуратурасына сауал жолдап, қаулы бойынша қандай шара қабылданғанын сұрады.

"Алматы облысының қылмыстық істер жөніндегі мамандандырылған ауданаралық сотының 2025 жылғы 5 маусымдағы жекеше қаулысы қазіргі уақытта заңды күшіне енген жоқ. Өйткені ҚПК 414-бабына сәйкес сот актісіне тараптармен апелляциялық шағым келтірілген. Қылмыстық іс облыстық сотының өндірісінде. Сондықтан жекеше қаулы заңды күшіне енгеннен кейін процестік шешім қабылданады", - деп хабарлаған прокуратура өкілдері агенттікке.

Еске сала кетейік, Шерзат Болаттың өліміне қатысты іс бойынша прокурор оқиға орнында болған куәлер Эльмира Нұрбекова мен Дана Жақсыкелдінің әрекеті қайта саралауды қажет ететінін айтқан еді. Прокурор олардың шок жайдайда болмағанын, керісінше, жағдайды саналы түрде бақылап, тіпті қасақана үнсіздік танытқанын атап өткен.

Мәтіннен қате тапсаңыз, бізге жазыңыз