Жоба "Ашық НҚА" порталына 2 қыркүйекке дейін көпшілік талқылауына шығарылды.

ҚР Цифрлық даму, инновациялар және аэроғарыш өнеркәсібі министрлігі "электрондық үкімет" порталы және ақпараттандыру объектілері арқылы көлік құралдарын бастапқы мемлекеттік тіркеу бойынша пилоттық жобаны жүргізу туралы бұйрық жобасын әзірледі, деп хабарлайды inbusiness.kz сайты.

Портал арқылы көрсетілетін мемлекеттік қызмет түрлері:

• көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу, есепке алу және есептен шығару;
• көлік құралдарын тіркеу туралы куәлік пен мемлекеттік тіркеу нөмірлік белгілерін беру.