Медеу ауданында жүргізушілер екі көлікпен өзен арнасында жүрген , деп жазады inbusiness.kz сайты.

Құқық бұзушылық бейнелеген жазба әлеуметтік желіде тарады.

Алматы қаласының Полиция департаменті жүргізілген іздестіру шараларының нәтижесінде жүргізушілердің жеке басы анықталып, ұсталғанын хабарлады.

– Тексеру қорытындысына сәйкес, олар ҚР ӘҚбК-нің 6-бабы бойынша жауапкершілікке тартылған. Көліктер арнайы айыппұл тұрағына қойылды. Сот шешімімен екі жүргізуші де 5 тәулікке әкімшілік қамауға алынды, – деп хабарлады полициядан.

Қалалық полиция департаменті көлік құралдарының өзен арнасына немесе қозғалысқа арналмаған басқа да орындарға кіруіне болмайтынын қатаң ескертті.