Қазақстан Үкіметі әскери қызметке шақыру тәртібін жетілдіруге бағытталған қаулы жобасын жариялады.

Құжат "Әскери қызметке шақыруды ұйымдастыру мен жүргізу қағидаларын бекіту туралы" 2012 жылғы қаулыға өзгерістер енгізуді көздейді, деп жазады inbusiness.kz сайты.

Жобаның мақсаты – әскерге шақыруды ұйымдастыруда бірыңғай тәсіл қалыптастыру.

Енді әскерге шақыруды кейінге қалдыру рәсімі мемлекеттік қызмет көрсету арқылы жүргізіледі.

Сонымен қатар, әскери есептегі азаматтарға жолданған SMS-хабарламалар ресми шақырудың заңды түрі ретінде қарастырылмақ.

Ашық НҚА порталында жарияланған құжат қоғам талқылауына ұсынылды.