Желіде Алматы көшелерінің бірінде жолдың үстіне ағаш құлады деген ақпарат тарады. Қала әкімдігі оқиғаның мән-жайын айтты, деп хабарлайды KAZ.NUR.KZ.

Telegram желісіндегі "Твой Алматы" арнасы "Абай даңғылының бойында жолға ағаш құлады" деген куәгерлердің видеосын жариялады.

"Секунд қалғанда тоқтап үлгердік, енді кептеліс пайда болды. Яғни, ағаш құлаған маңнан бірнеше метр жерде", — дейді оқиға куәгерлерінің бірі.

Алматы әкімдігі өкілдері NUR.KZ тілшісіне өткен демалыс күндері қалада жолға ағаш құлағаны туралы ақпаратты растады.

"Абай даңғылында, Радостовец көшесінің қиылысына жақын жерде жасыл желек (ағаш) жолдың үстіне құлады. Шолу нәтижесінде ағаштың қанағаттанарлық жағдайда екені анықталды (жасыл түсті, қураған немесе зақымданған белгілер жоқ). Көліктерге, инженерлік желілерге және электр желілеріне зақым келген жоқ", — делінген хабарламада.

Әкімдіктің хабарлауынша, құтқару қызметі ағашты кесіп, жолды тазалаған. Алматы қалалық құтқару қызметі құлаған ағашты кесу және шығару жұмыстарын жедел жүргізді. Қазіргі уақытта жол бөлігі толығымен тазартылып, көлік қозғалысына толықтай ашылды.

Мәтіннен қате тапсаңыз, бізге жазыңыз