Түркістан облысының Табиғат пайдалану және табиғи ресурстар басқармасына қарасты "Жасыл аймақ" КММ-нің бұрынғы басшысы сотталды, — деп хабарлайды Massaget.kz тілшісі.

Түркістан қалалық соты облыстық табиғат пайдалану және табиғи ресурстар басқармасы жанындағы "Жасыл аймақ" КММ бұрынғы басшысы И.Бегасиловқа, оның орынбасары А.Ерназаровқа, КММ заңгері М.Айнабековаға және кәсіпкер И.Мүслимовқа үкім шығарды.

Олар техникалық ерекшелікке және қойылатын сапа талаптарына сәйкес келмейтін арзан пестицидтер мен гербицидтерді сатып алу арқылы 14,9 млн теңге сомасында бюджет қаражатын жымқырғаны үшін кінәлі деп танылды.

Сот үкімі

• Бегасилов 2 жыл 6 айға бас бостандығынан айырылды;
• Ерназаров, Айнабекова және Мүслимовқа 2 жылға бас бостандығынан шектеу жазасы кесілді.

Сонымен қатар, олар өмір бойы мемлекеттік қызметте және квазимемлекеттік секторда қызмет атқару құқығынан айырылды. Сот актісі заңды күшіне енген жоқ.

Instagram парақшамызға жазылып, ең қызықты ақпараттарды бірінші болып оқыңыз!