Жақында Грузияда спорттық-бал биінен әлем чемпионаты өтті. Ал аты аңызға айналған қазақстандық боксшы Сәрік Сәпиевтің қызы – Аққу Сәпиева жарыстың финалына шығып, 28 елден келген 124 қатысушының арасынан 5-орынға ие болды, деп хабарлайды KAZ.NUR.KZ.

Бұл туралы спорт журналисі Аян Төлеген Telegram желісінде жазды. Журналистің сөзінше, ол небәрі 14 жаста.

Аққу Сәпиева би өнерімен 4 жасынан бастап айналысып келеді. Өзінің айтуынша, би – оның эмоциясын, жан дүниесін жеткізудің ең басты тәсілі.

Аққу алдағы уақытта шеберлігін шыңдап, ірі халықаралық жарыстарда ел намысын қорғауды мақсат етеді. Сондай-ақ болашақта жинаған тәжірибесін өзгелерге үйрететін жаттықтырушы болуды да армандайды.

"Қараңыздаршы, оның көзқарасы қандай сенімді, қалай жеңіл қимылдайды. Есіңізге ештеңе түсіп тұрған жоқ па? Тура 13 жыл бұрын осындай жеңіл әрі сенімді қимылымен Қазақстанға Лондон Олимпиадасының алтын медалін, Вел Баркер кубогын алып берген кім еді?", — деп жазды журналист Аян Төлеген.

Мәтіннен қате тапсаңыз, бізге жазыңыз