Жылдар бойы қордаланған мәселелер бар.

Мәжіліс депутаты Асхат Аймағамбетов мектеп асханаларына қатысты маңызды жаңалық жариялады, деп хабарлайды inbusiness.kz сайты.

"Мектептерді тексеру жазалау ма, әлде шынайы бақылау ма? Санэпид қызметкерлері мектепке, балабақшаға келгенде не болады? Асхана жабыла ма, директорға айыппұл салына ма? Қауіпсіздік қалай? Бұл сұрақтар көптеген ата-ананы, мұғалімді, тіпті кәсіпкерлерді де мазалайды. Жылдар бойы қалыптасқан жүйе нақты бақылаудан гөрі формалдылыққа айналып кеткендей еді", – деп жазды депутаты.

Оның айтуынша, бұл салада өзгерістер енгізілмек.

"Қарағандыда санитариялық-эпидемиологиялық бақылау департаментінің қызметкерлерімен кездесіп, өзіміздің заңға дайындаған өзгерістерді талқыладық. Жылдар бойы қордаланған проблемалар бар. Тексерулерді алдын ала ескерту қажет. Қызметкерлер өздерімен бірге рұқсат қағаздарын жинауы тиіс. Айыппұлдар мектеп директорларына салынады, тіпті ол бұзушылыққа тікелей қатысы болмаса да, шынайы бақылау мүмкін емес", – деп атап өтті Асхат Аймағамбетов.

Не өзгереді:

• Бақылау "күтпеген" форматқа көшеді – енді алдын ала ескерту болмайды;
• Бастапқы тексерулерде айыппұл салынбайды, алдымен ескерту, кеңес, ұсыныс беріледі;
• Мектептер мен лагерьлерде жыл сайын оқу жылы алдында жоспарлы тексеріс жүргізіледі;
• Қаржылық шығынды талап ететін бұзушылықтар үшін директор емес, әкімдік жауапты болады;
• Балалардың өміріне қауіп төнген жағдайда – жедел шаралар қолданылады: уақытша жабу, қызметкерді шеттету және т.б.;
• Мектеп асханаларының жеткізушілеріне арналған арнайы тізілім енгізіледі, адал емес жеткізушілерге тосқауыл қойылады.