Ішкі істер министрлігі Жамбыл облысында Полиция департаменті басшысының орынбасары қызметтен қуылып , қамауға алынғанын растады.

Министрліктің мәліметі бойынша ол заңға қайшы әрекет жасады деген күдікке ілінген, деп жазады inbusiness.kz сайты.

– ІІМ Ішкі қауіпсіздік департаменті Жамбыл облыстық Полиция департаменті басшысының бұрынғы орынбасарын ұстады. 2025 жылдың 29 тамызында ол жағымсыз себептермен жұмыстан қуылған болатын, – деп жазылған ресми мәліметте.

Қазір ол күдікті ретінде уақытша ұстау изоляторында отыр. Сотқа дейінгі тергеу басталған.