Жасыл желектер аумағында мал жаюға , үй жануарларын айдауға, аң аулауға тыйым салынады.

Енді Астананың "жасыл белдеуі" заңнамалық тұрғыдан қорғалады. Бүгін Мәжілістің жалпы отырысында елорда мен республикалық маңызы бар қалаларды дамыту мәселелері бойынша заңнамалық түзетулерді бірінші оқылымда мақұлданды, деп хабарлайды inbusiness.kz сайты.

Премьер-министрдің орынбасары – Ұлттық экономика министрі Серік Жұманғарин заң жобасындағы елорданың "жасыл белдеуіне" қатысты нормалармен таныстырды.

"Елорданың жасыл белдеуі – астана айналасында орман екпелерін құру жөніндегі бірегей ауқымды жоба, оның мақсаты экологиялық жағдайды жақсарту, қаланы жел мен шаңды дауылдан қорғау, сондай-ақ тұрғындар үшін рекреациялық аймақтар құру. Оны сақтау ерекше күтімді талап етеді. Қазіргі уақытта жасыл белдеу жерлерінің қысқаруына немесе бүлінуіне жол бермеу қажет. Осыған байланысты "Астана мәртебесі туралы" заң шеңберінде қаланың жасыл аймағын басқару қағидаларын бекіту және оны күтіп-ұстайтын заңды тұлғаны айқындау ұсынылады", — деді Серік Жұманғарин.

Бұдан бөлек жасыл аймақтың шекараларын тек Үкімет деңгейінде әкімдіктің ұсынысы бойынша өзгерту, "жасыл белдеу" аумағында ландшафттардың табиғи көрінісіне теріс әсер ететін қызметке тыйым салу да көзделіп отыр.

Ұлттық экономика министрлігінің мәліметінше, қазір елорданың жасыл аймағының аумағы 15 мың гектарға тек. Онда 11,5 миллионнан астам ағаш және 2 миллионға жуық бұта өсіп тұр. Ұсынылып отырған түзетулерге сәйкес, Астана мәслихатына қаланың санитарлық-қорғау жасыл аймағын басқару ережелерін бекіту және оның аумағындағы қызмет түрлерін шектеу құзыреті беріледі.

Сонымен қатар "жасыл белдеу" аумағында мал жаюға, үй жануарларын айдауға, аң аулауға және басқа да әрекеттерге тыйым салынады.