Қазақстан мен Ресейде YouTube істен шықты — Астана, Алматы және Петропавл, сондай-ақ Мәскеу мен Санкт-Петербург тұрғындары видеохостинг қызметіне шағымдарын қалдырды, деп хабарлайды KAZ.NUR.KZ.

Downradar сайтының хабарлауынша, бүгін сағат 15:00-ден бастап YouTube жұмыс істемей тұрғаны туралы көптеген шағым түсе бастады. Қазақстандықтар Астана, Алматы, Петропавл, Қарағанды және Павлодар қалаларында видеохостинг қызметіндегі ақауды байқап отыр.

Мәскеу, Санкт-Петербург, Екатеринбург тұрғындары да осы ақауды алға тартып отыр. Сондай-ақ бірнеше қолданушы Варшавадан YouTube желісінде ақау шыққанын жазды.

Еске сала кетейік, кеше, 4 қыркүйекте әлемнің түкпір-түкпіріндегі желі қолданушылары Google іздеу жүйесіндегі ақауға шағымданған болатын.

Сондай-ақ Kcell және Activ пайдаланушылары интернетке кіруде қиындықтарға тап болған — компания себебін айтып, уақытша қолайсыздықтар үшін кешірім сұрады.

Мәтіннен қате тапсаңыз, бізге жазыңыз