Қазақстан ІІМ қарасты Интерполдың Ұлттық орталық бюросының сұрауы негізінде Грузияның Рустави қаласында халықаралық іздеуде жүрген адам ұсталды, деп хабарлайды KAZ.NUR.KZ ведомстволық Polisia.kz ақпараттық медиа-порталына сілтеме жасап.

Ол Қазақстан Республикасы Қылмыстық кодексінің 367-бабы 2-бөлігінде көзделген қылмыс үшін – лауазымды тұлғаға пара берді деп айыпталып отыр.

Тергеу дерегінше, күдікті 2019 жылы қылмыстық жауапкершіліктен жалтару мақсатында құқық қорғау органының қызметкеріне 400 АҚШ доллары көлемінде пара берген.

"Бұған дейін жүргізілген тексеру барысында күдіктіге тиесілі массаж салонының атымен жезөкшелік қызмет көрсетілгені анықталған. Қазіргі уақытта ұсталған адам Грузия аумағында қамауға алынды", — делінген хабарламада.

Мәтіннен қате тапсаңыз, бізге жазыңыз