Алматы қаласының Авиациялық көлік прокуроры ақтаулық прокурордың ісін тоқтату туралы Ақтау қаласының мамандандырылған сотының шешімімен келіспейтінін жеткізді. Бұл туралы Бас көлік прокуратурасының баспасөз қызметіне сілтеме жасаған KAZ.NUR.KZ хабарлайды.

Ведомствоның ақпаратына сәйкес, Алматы қаласының Авиациялық көлік прокуроры ұсақ бұзақылық фактісі бойынша Ерболат Әбдіровке қатысты істі тоқтату туралы Ақтау қаласының мамандандырылған сотының шешіміне шағым түсірді.

Сот актісінің заңдылығы мен апелляциялық шағымның дәлелдері Маңғыстау облыстық сотында белгіленген тәртіпте қаралатын болады.

"Қызметтік тексеру жүргізілуіне байланысты "Құқық қорғау қызметі туралы" Қазақстан Республикасы Заңының 38-бабы 1-бөлігінің 2) тармағына сәйкес Әбдіров Ерболат оның жауаптылығы туралы мәселе түпкілікті шешілгенге дейін қызметінен уақытша шеттетілді",- делінген хабарламада.

Мәтіннен қате тапсаңыз, бізге жазыңыз