13 қыркүйекте Қарқаралы ауданына қарасты Комиссаровка ауылының маңында саңырауқұлақ теруге шыққан екі әйел орманда адасып кетті. Оларға құтқарушылар көмекке келді, деп ТЖМ баспасөз қызметіне сілтеме жасаған KAZ.NUR.KZ хабарлайды.

Ведомствоның мәліметіне сәйкес, Қарқаралы ауданында, Комиссаровка ауылы маңында 1988 және 1966 жылы туған екі әйел "№1 поляна" демалыс аймағынан саңырауқұлақ теруге шығып, адасып кеткен.

"Олардың жанында ұялы телефон болды, бұл құтқарушылардың жұмысын едәуір жеңілдетті. Байланыс бүкіл операция барысында сақталып, орнын нақты анықтауға және құтқару тобын жедел жіберуге мүмкіндік берді", — делінген министрлік хабарламасында.

Құтқарушылардың арқасында йелдер аман-есен эвакуацияланды. Олар медициналық көмекке мұқтаж болған жоқ.

Мәтіннен қате тапсаңыз, бізге жазыңыз